Charta permutationis terrarum in agro Uriaco et in villa Bruelias inter monasterium Cluniacense et Goduldricum.
Placuit atque convenit inter rectores Sancti Petri et ab alia parte Goduldrico cum suis heris, ut aliquas res inter se scamiarent. In primis donat Goduldricus vineam unam vestitam in pago Matisconensi, cum curtilo simul tenente, in agro Uriaco; qui terminat a mane semita vicina, a medio die terra Evrard, a sero Vulric, a cercio via publica: faciantque quicquid facere voluerint. Econtra donant prefati monachi predicto viro cum suis heris campum unum in villa Bruelias, qui terminat a mane et a sero terra Constantini, a medio die via publica, a cercio terra Bulgeria. Hæc commutatio omni tempore inconvulsa per
maneat. S. Goduldricus. S. Constancii. S. Vuitberti. S. Inberga. S. Duranni. Actum Aiona villa, regnante Hugone anno III.
(Au dos:) Scammium Goduldric in Uri et Bruelis.